|
Şöbədən verilən məlumata görə, səfərdə məqsəd seçkiqabağı vəziyyəti öyrənmək, Seçki Məcəlləsinə edilən dəyişikliklərlə tanış olmaq, müvafiq görüşlər keçirməkdir.
MDB Daimi Nümayəndələr Şurasının Minsk şəhərində keçirilən iclasında Azərbaycandakı seçkiləri izləyəcək müşahidə missiyasına MDB icra katibi Sergey Lebedyevin rəhbərlik edəcəyi barədə qərar qəbul olunub. Bununla əlaqədar İcra Komitəsi MDB-yə daxil olan ölkələrin prezidentlərinə, xarici işlər nazirliklərinə və mərkəzi seçki komissiyalarına müraciət ünvanlayıblar. Müraciətdə xahiş olunur ki, Azərbaycan Milli Məclisinə keçiriləcək seçkiləri izləmək üçün öz nümayəndələrinin namizədliyini sentyabrın 15-nə kimi təqdim etsinlər.
Müşahidəçilər həm uzunmüddətli, həm də qısamüddətli olacaq. Təxminən oktyabrın birinci ongünlüyündə Bakıda uzunmüddətli müşahidəçilərin qərargahı fəaliyyətə başlayacaq. Qısamüddətli müşahidəçilər isə seçki ərəfəsində gələcəklər.
wwe.apa.az
|
