|
Barak Obama İrana qarşı yeni sərt sanksiyalar tətbiqinin vacibliyinə şübhə etmir. O, Vaşinqtonda keçirilən nüvə sammitinin yekunlarına dair mətbuat konfransında bu mövqeyini açıqlayıb: “İrana qarşı yeni sanksiyaların tətbiqi prosesini aylarla uzatmaq bizim marağımızda deyil”.
Amerika prezidenti bildirib ki, nüvə proqramı hazırlayan İran hələ də əməkdaşlığa hazırlıq nümayiş etdirmir və yeni sərt sanksiyalara məruz qalacaq. Bununla belə, Barak Obamanın sözlərinə görə, Tehranın dinc nüvə proqramına malik olmaq hüququ var. Amma beynəlxalq ictimaiyyət bu proqramın dinc xarakterliliyinə əmin olmalıdır.
Barak Obama məlumat verib ki, Çin İrana qarşı sanksiyaların tətbiqinə razı olsa da, bu tədbirlərin iqtisadi effektindən narahatdır: “İran neft ixracatçısıdır və dünyanın bir çox ölkələri ilə iqtisadi əlaqələrə malikdir. Lakin dünya ictimaiyyəti get-gedə daha çox əmin olur ki, İranın nüvə proqramı adi çərçivədən çıxır”.
www.anspress.com
|
