Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
Azərbaycan regionda sülh və stabilliyə nail olunmasına yönəlmiş bütün səyləri alqışlayır - XİN
Azərbaycan regionda sülh və stabilliyə nail olunmasına və Azərbaycanın ərazi bütövlüyü çərçivəsində beynəlxalq hüquq normalarına və prinsiplərinə uyğun olaraq Ermənistan - Azərbaycan, Dağlıq Qarabağ münaqişəsinin tezliklə həllinə yönəlmiş bütün səyləri alqışlayır. Bu barədə Azərbaycan XİN-in rəsmi nümayəndəsi Elxan Poluxov Trend-ə bildirib.
"Bunun üçün ilkin şərt Azərbaycan Respublikası ərazilərinin işğaldan azad olunmasıdır", - Poluxov İranın Dağlıq Qarabağ münaqişəsinin nizamlanmasında vasitəçilik təşəbbüsünü şərh edərkən bildirib.
"Rəsmi Tehran Dağlıq Qarabağ probleminin həlli üzrə təkliflərini münaqişə tərəflərinə təqdim edib", - İranın xarici işlər naziri Mənüçöhr Mottəki bildirib.
"Ümid edirik, tərəflər problemin həlli ilə əlaqədar müsbət addımlar atacaqlar". - Bu barədə İran XİN-in rəhbəri Mənüçöhr Mottəki bu gün Tehranda keçirilən konfrans zamanı bildirib. MEHR agentliyi məlumat verir.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana ərazi iddiaları səbəbindən yaranıb. Dağlıq Qarabağ və ona bitişik yeddi rayon - Azərbaycan ərazilərinin 20 faizi Ermənistan silahlı qüvvələrinin işğalı altındadır.
1994-cü ilin mayında tərəflər ATƏT-in Minsk qrupunun himayəsi və Rusiya, Fransa və ABŞ-ın həmsədrliyi ilə atəşkəs rejimi əldə ediblər. Lakin uğursuz sülh danışıqları hələ də davam edir.
www.trend.az
Oxunub: 190 dəfə | Tarix: 10 Aprel 2010 | Kateqoriya: Xəbərlər
