|
Bu barədə ABŞ dövlət katibinin birinci müavini Ceyms Stainberq xarici jurnalistlərlə görüşdə bildirib.
Diplomat deyib ki, bir neçə ay bundan əvvəl Münhendə onun Prezident İlham Əliyevlə söhbəti baş tutub və bu zaman o, ABŞ-ın Azərbaycan ilə münasibətlərə nə dərəcədə əhəmiyyət verdiyini bildirib. Stainberq xatırladıb ki, dövlət katibi Hillari Klinton dəfələrlə Azərbaycan lideri ilə telefonla danışıb.
"Azərbaycan Birləşmiş Ştatların çox mühüm tərəfdaşıdır. Qafqazda təhlükəsizliyi və sülhü dəstəkləyən böyük gücdür", - o bildirib. - "Biz bir sıra məsələlərdə çox sıx fəaliyyət göstəririk və Minsk prosesinin tərəfdarıyıq". Stainberq bununla əlaqədar ATƏT-in Minsk qrupunun işinə dəstək olmaqda Prezident İlham Əliyevə səylərinə görə minnətdarlığını bildirib.
"Biz bilirik ki, bu məsələlər bütün tərəflər üçün çox çətindir və fikir ayrılıqlarını aradan qaldırmaq üçün yollar tapmalıyıq", - dövlət katibinin birinci müavini qeyd edib. Vaşinqton əmindir ki, uzun müddətli perspektivdə Qafqazda daha dərin inteqrasiya bütün regionun maraqlarına cavab verə bilər".
www.milli.az
|
