Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
Xəzəryanı dövlətlər razılığa gəldi
Xəzəryanı ölkələr Xəzərdə təhlükəsizlik sahəsində əməkdaşlığın əsas prinsipləri üzrə razılığa gəlib. Bunu xarici işlər nazirinin müavini Xələf Xələfov Bakıda keçirilmiş Xəzəryanı ölkələrin xarici işlər nazirləri müavinlərinin 23-cü iclasının yekunlarına həsr olunmuş brifinqdə deyib. "Biz Xəzərdə təhlükəsizlik məsələlərində əməkdaşlığın əsas prinsipləri üzrə razılığa gələ bildik və növbəti 1-2 ay ərzində keçirilməsi üçün üzərində işləyəcəyimiz üçüncü iclas çərçivəsində bu əməkdaşlığa cəlb ediləcək strukturların siyahısını müəyyən edəcəyik", - deyə o bildlrib.
X.Xələfov qeyd edib ki, Xəzəryanı ölkələr təhlükəsizlik sahəsində əməkdaşlığa hazırdır.
"Bir sıra görüşlər keçirildikdən sonra biz tam razılığa gələ bilərik və bu işlərin reallaşmasına başlaya bilərik. Ən əsası təhlükəsizliyə dair aparılan işlərin müəyyən sistem üzrə getməsi üçün əməkdaşlıq mexanizminin yaradılmasıdır", - deyə nazir müavini vurğulayıb.
www.anspress.com
Oxunub: 182 dəfə | Tarix: 13 Mart 2010 | Kateqoriya: Xəbərlər
