|
Məlumata görə, Bakıda səfərdə olan Saudabayev bunu Azərbaycanın xarici işlər naziri Elmar Məmmədyarovla görüşündən sonra verdiyi açıqlamada bildirib. «Tərəflər razılaşmalara əməl etsələr, bu il dönüş ili ola bilər», - deyə o, qeyd edib: «Biz münaqişənin həllinə nail olmaq üçün bütün imkanlardan istifadə edirik. Afinadakı son razılaşma, həmçinin Azərbaycan və Ermənistan prezidentlərinin Soçi görüşü bizdə nikbinlik yaradır».
Saudabayev ATƏT sədri kimi Azərbaycana ilk səfərini etdiyini deyib, Qazaxıstanın quruma sədrliyi məsələsində Bakıdan aldıqları dəstəyə görə, minnətdarlığını bildirib. O, deyib ki, səfərinin əsas məqsədlərindən biri Dağlıq Qarabağ münaqişəsinin həlli prosesinin bütün spektrləri ilə tanış olmaqdır. «Bu, ATƏT sədri olan Qazaxıstan üçün prioritetdir. Prezident Nursultan Nazarbayev də bu münaqişəyə böyük diqqət göstərir. Biz problemin tarixini bilir və onun həlli üçün bütün resurslardan istifadə edirik», - deyə ATƏT sədri qeyd edib.
E.Məmmədyarovla konstruktiv danışıqlar apardığını deyən Saudabayev Azərbaycan prezidenti İlham Əliyevlə də görüşünün gözlənildiyini söyləyib.
www.trend.az
|
