Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
Azərbaycanın Yamaykadakı səfiri İllik Diplomatik Həftədə iştirak edir
Azərbaycanın Yamaykadakı səfiri Aqşin Mehdiyev Yamaykanın İllik Diplomatik Həftəsində (2010-cu il 25-30 yanvar) iştirak edir. Yanvarın 27-də Mehdiyev Yamaykanın xarici işlər və xarici ticarət nazirinin çoxtərəfli əməkdaşlıq üzrə müavini, səfir xanım Vilma Makniş ilə ikitərəfli görüş keçirib. Görüş zamanı iki ölkənin üzv olduğu beynəlxalq təşkilatlarda qarşılıqlı maraq kəsb edən məsələlər ətrafında fikir mübadiləsi aparılıb və bu istiqamətdə məsləhətləşmələrin davam etdirilməsi vacibliyi vurğulanıb. Yanvarın 28-də Mehdiyev Yamaykanın Baş nazirinin müavini və xarici işlər və xarici ticarət naziri cənab Kenet Bouqla görüşüb. Görüşdə ikitərəfli münasibətlərin möhkəmləndirilməsi yolları və ölkələrimizin maraq göstərdiyi bütün sahələrdə əməkdaşlığın inkişaf etdirilməsi perspektivləri, iki ölkə arasında münasibətlərin müqavilə hüquq bazasının təkmilləşdirilməsi məsələləri ilə bağlı fikir mübadiləsi aparılıb. Mehdiyev Ermənistan-Azərbaycan münaqişəsinə toxunaraq, Ermənistanın təcavüzü nəticəsində Azərbaycan ərazisinin 20 faizinin işğal edildiyi və 1 milyondan artıq azərbaycanlının qaçqın və ya məcburi köçkünə çevirildiyini nazirin diqqətinə çatdırıb və münaqişə ilə bağlı ətraflı məlumat verib. Yanvarın 28-də Yamaykanın General Qubernatoru ser Patrik Alen tərəfindən Yamaykada akreditə olunmuş səfirlərin şərəfinə ziyafət verilib. Yamaykanın İllik Diplomatik Həftəsi yanvarın 30-da başa çatacaq.
www.trend.az
Oxunub: 223 dəfə | Tarix: 30 Yanvar 2010 | Kateqoriya: Xəbərlər
