|
"Rusiya Cənubi Qafqaz dövlətlərinin hər biri ilə yaxşı münasibət saxlamağa çalışır, lakin Moskva ilə ən yaxşı münasibətlərə İrəvan malikdir. Belə ki, hər iki tərəf Kollektiv Təhlükəsizlik Müqaviləsi Təşkilatının üzvüdür”. Belə bir bəyanatla Ermənistan mətbuatına müsahibə verən MDB dövlətləri İnstitutunun Qafqaz ölkələri şöbəsinin müdiri Feliks Stanevski çıxış edib.
Stanevski Moskvada Türkiyə və Rusiya baş nazirlərinin, eləcə də İrəvanda Ermənistan və Rusiya XİN rəhbərlərinin görüşünə toxunub. Onun sözlərinə görə, bu görüşlərdə danışıqlar əsasən gizli qaydada aparılır. "Çox güman ki, Putin-Ərdoğan görüşü zamanı regionla bağlı məsələlər müzakirə olunacaq. Çünki Ankara Cənubi Qafqazla bağlı problemlərin həllində olduqca maraqlıdır", - deyə o vurğulayıb.
O, Türkiyənin Dağlıq Qarabağ məsələsinə də diqqət yetirib. "Ankaranın bu məsələdə Moskvaya marağı tamamilə normaldır, çünki münaqişənin tənzimlənməsində Rusiya mühüm rol oynayır" deyən politoloq qeyd edib ki, Türkiyədən fərqli olaraq Rusiya türk-erməni münasibətlərinin normallaşma prosesini Dağlıq Qarabağ münaqişəsi ilə əlaqələndirmir.
www.anspress.com
|
