Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
Barak Obama: "Dağlıq Qarabağ məsələsinin son dərəcə vacib olduğunu bilirəm"
Türkiyənin baş naziri Rəcəb Tayyip Ərdoğan ABŞ prezidenti Barak Obama ilə görüşüb. Görüş Amerika prezidentinin təşəbbüsü ilə baş tutub. ANS PPRESS “Cihan” agentliyinə istinadən xəbər verir ki, Barak Obama ABŞ-ın Pittsburq şəhərində keçirilən G20 sammitində iştirak edən ölkə rəhbərlərini yola salarkən Türkiyənin baş nazirini səsləyib. Rəcəb Tayyib Ərdoğanla Barak Obamanın söhbəti 15 dəqiqə davam edib. İki ölkə lideri Ermənistan məsələsini də müzakirə ediblər. Rəcəb Tayyip Ərdoğan Dağlıq Qarabağ münaqişəsinin həlli üçün ATƏT-in Minsk Qrupunun işində həmsədr ölkə kimi ABŞ-ın daha təsirli rol oynamasının prosesi asanlaşdıracağını bildirib. Barak Obama isə bəyan edib ki, Ermənistan məsələsinin həllində Dağlıq Qarabağ münaqişəsinin son dərəcə vacib olduğunu bilir. Görüşdən sonra Türkiyənin baş naziri Rəcəb Tayyip Ərdoğan Nyu-Yorka yola düşüb.
www.anspress.com
Oxunub: 299 dəfə | Tarix: 26 Sentyabr 2009 | Kateqoriya: Xəbərlər
