Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
MDB Hökumət Başçıları Şurası iclasının gündəliyi bu gün müzakirə olunacaq
Bu gün MDB İcraiyyə Komitəsində (Minsk şəhəri) Birliyin üzvü olan dövlətlərin MDB-nin nizamnamə və digər orqanlarında Daimi Səlahiyyətli Nümayəndələr Şurasının və MDB İqtisadi Şurası yanında iqtisadi məsələlər üzrə komissiyaların birgə iclası keçiriləcək. MDB İcraiyyə Komitəsinin mətbuat xidmətinin məlumatına görə, iclas iştirakçıları MDB-nin Dövlət Başçıları Şurasının və Hökumət Başçıları Şurasının 2008-ci ildə qəbul etdiyi sənədlərin icras olunması gedişini və Müstəqil Dövlətlər Birliyinin gələcək inkişafına dair Konsepsiyanın yerinə yetirilməsi üzrə əsas Tədbirlər Planını müzakirə edəcəklər. İclasın gündəliyinə Müstəqil Dövlətlər Birliyinin sahə əməkdaşlıq orqanlarına dair Ümumi Qaydanın yeni redaksiyada layihəsi və MDB sahə əməkdaşlıq orqanlarının 2010-2011-ci illərdə fəaliyyəti barədə Birliyin ali orqanları qarşısında hesabatları cədvəli haqqında məsələlər də daxil edilib. Bundan əlavə, MDB Hökumət Başçıları Şurasının 2009-cu ilin noyabr ayında keçirilməsi nəzərdə tutulmuş növbəti iclasının gündəliyi lahiyəsinin də nəzərdən keçirilməsi planlaşdırılır. Daimi Səlahiyyəti Nümayəndələr Şurasının və İqtisadi Məsələlər üzrə Komissiyaların birgə iclasında MDB-nin İcraiyyə Komitəsinin sədri - icraçı katib S.Lebedev iştirak edəcək. /anspress.com/
Oxunub: 204 dəfə | Tarix: 21 Avqust 2009 | Kateqoriya: Xəbərlər
