|
Rusiya XİN-i hesab edir ki, əsas məsuliyyət və son qərar Azərbaycan və Ermənistandan asılı olmalıdır
Rusiya Dağlıq Qarabağ münaqişəsinin iştirakçılarına kənardan müdaxilələrə qarşı çıxır. Bu barədə Gazeta.ru Rusiya Xarici işlər nazirliyinə istinadən məlumat verib.
“Dağlıq Qarabağ münaqişəsinin nizmalanmasında Rusiyanın mövqeyi ardicıl və dəyişməz olaraq qalır. Rusiya münaqişə tərəflərinə kənardan müdaxilə olunmasına qarşı çıxır. Çünki, əsas məsuliyyət və son qərar Azərbaycan və Ermənistandan asılı olmalıdır.”, - deyə mətbuat xidmətindən bildiriblər.
Rusiya problemin hər bir tərəfi qane edəcək formada həlli variantını dəstəkləməyə hazırdır. Güzəştli razılıq əldə olunduğu halda isə münaqişənin nizmalanmasına zəmanət verə bilər.
“Hesab edirik ki, problemin bu cür həll olunması Qafqazda sabitlik və sülhün bərpa olunmasına kömək eədcək və regionun beynəlxalq hərbi–siyasi arenaya çevrilməsinə mane olacaq, - deyə XIN-dən bildiriblər.
Xatırladaq ki, bu gün Triestdə G-8 ölkələrinin xarici işlər nazirlərinin iclası keçiriləcək. İclasda Dağlıq Qarabağ probleminin nizamasalınması məsələsi müzakirə olunacaq. /ANS PRESS/
|
