|
BMT-nin Baş katibi Pan Gi Mun, dünya liderlərinin miqyasına görə indiyədək görünməmiş ekoloji sammitə dəvət edib. Samitin sentyabrın 22-də BMT Baş Assambleyasının 64-cü sessiyası çərçivəsində təşkilatın Nyu-Yorkdakı mənzil-qərargahında keçirilməsi planlaşdırılır.
Pan Gi Mun bildirib ki, iqlim dəyişikliyi indiki və gələcək nəsil üçün böyük təhlükəyə çevrilib: “Bu, gələcək nəsil-sizin oğullarınız, qızlarınız, nəvələriniz üçün daha təhlükəlidir. Atmosferə atılan zərərli tullantılar daim artır, saatlar isə faciəli saniyələri sayır. Məhz buna görə də mən sentyabrın 22-də BMT-nin mənzil-qərargahında iqlim dəyişikliyi ilə mübarizəyə həsr olunmuş presendentsiz sammit çağırmaq niyyətindəyəm. Bütün dünya liderlərini orada iştirak etməyə, mübarizəyə töhfə verməyə, öz üzərilərinə öhdəlik götürməyə və nümayəndələrinə iqlim dəyişikliyi problemi ilə bağlı dəqiq tapşırıqlar verməyə çağırıram”.
www.anspress.com
|
