Ünvan:
İbrahimpaşa Dadaşov 50, Bakı,
AZ1069, Azərbaycan
Tel/Faks:
(+994 12) 436-24-20
Partnyorlarımız
ƏLI BABACAN: “QAFQAZ İTTIFAQI IDEYASININ GERCƏKLƏŞMƏSI ÜÇÜN AZƏRBAYCANLA ANLAŞIQLI BIR ƏMƏKDAŞLIQ EDIRIK”
ƏLİ BABACAN: “QAFQAZ İTTİFAQI İDEYASININ GERÇƏKLƏŞMƏSİ ÜÇÜN AZƏRBAYCANLA ANLAŞIQLI BİR ƏMƏKDAŞLIQ EDİRİK”
Türkiyənin xarici işlər naziri Əli Babacan bütün məsələlərə yanaşmalarda Azərbaycanla eyni mövqedən çıxış etdiklərini və uğurlu əməkdaşlığın davamlı olacağını bəyan edib.
APA-nın Türkiyə bürosunun xəbərinə görə, Türkiyə XİN başçısı bu açıqlamanı hazırda ölkəsində səfərdə olan azərbaycanlı həmkarı Elmar Məmmədyarovla görüşdən sonra keçirdiyi birgə brifinqdə bəyan edib. Ə. Babacan Azərbaycanla Türkiyənin bütün məsələlərdə strateji tərəfdaşlığı davam etdirəcəyini və bölgədəki problemlərin həllinə də tərəfdaşlıq baxımından yanaşacaqlarını vurğulayıb.
Ölkəsi ilə Azərbaycan arasındakı münasibətlərin xüsusi əhəmiyyət daşıdığını deyən diplomat E. Məmmədyarovla görüşlərində ikitərəfli əməkdaşlıq və Qafqaz bölgəsindəki son vəziyyəti müzakirə etdiklərini bildirib: “Biz həm də Türkiyənin təklif etdiyi Qafqaz İttifaqı bağlı da fikir mübadiləsi apardıq. Bu ideyanın gercəkləşməsi üçün anlaşıqlı bir əməkdaşlıq edirik. Bizim məsələ ilə bağlı görüşlərimiz və əməkdaşlığımız davam edəcək”.
Öz növbəsində E. Məmmədyarov da türkiyəli həmkarının bu dəvətindən məmnun olduğunu bildirib. Türkiyə və Azərbaycanın qardaş ölkə olduğunu deyən diplomat Türkiyə ilə əlaqələrin xüsusi əhəmiyyət daşıdığını vurğulayıb.
Türkiyənin xarici işlər naziri Əli Babacan bütün məsələlərə yanaşmalarda Azərbaycanla eyni mövqedən çıxış etdiklərini və uğurlu əməkdaşlığın davamlı olacağını bəyan edib.
