|
"Azərbaycan üzrə İşçi Qrup"un həmsədri, Konqresmen Dan Boren qurumda çıxış edib
20 Yanvar hadisənin 22-ci ildönümü Azərbaycanın tarixində faciəvi bir gündür. 1990-cı il yanvarın 19-dan 20-ə keçən gecə Sovet ordusu Bakını işğal edib. Bu dəhşətli faciədə 130-dan artıq günahsız insan ölüdürülüb, 611 nəfər yaralanıb, 841 nəfər həbs olunub və onlarla insan itkin düşüb. Bu hadisə ölkə tarixində və insanların yaddaşında “Qara Yanvar” kimi həkk olunub. Azərbaycan Respublikasının ABŞ-dakı Səfirliyinin müşaviri Nəsimi Ağayevin ANS PRESS-ə verdiyi məlumata görə, ABŞ Konqresində "Azərbaycan üzrə İşçi Qrup"un həmsədri, Konqresmen Dan Borenin faciə ilə bağlı bəyanatında deyilir.
Daha sonra azərbaycanlıların azadlıq mübarizəsini xatırladan cənab H. D. Boren Azərbaycanın bu gün möhkəm iqtisadiyyata və inkişaf edən bir dövlətə çevrildiyini vurğulayıb. O, Birləşmiş Ştatlarla Azərbaycanın bir sıra geniş sahələrdə geniş əməkdaşlıq əlaqələrinin olduğunu və regionun gələcəyi üçün bərabər fikirləri bölüşdüyünü ifadə edib.
Sonda ABŞ Konqresində "Azərbaycan üzrə İşçi Qrup"un həmsədri, Konqresmen Dan Borenin 20 yanvar faciəsinin ildönümü münasibətilə həmkarlarını bu gündə azərbaycanlılarla bir olmağa dəvət edib.
anspress.com
|
