|
“Xəzər – Gələcək Naminə Tərəfdaşlıq Beynəlxalq Hərəkatı” İctimai Birliyi 1 aprel 2010-cu il tarixindən Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının maliyyə dəstəyi ilə “Azərbaycan torpaqlarının Ermənistan tərəfindən işğalı və insan hüquqlarıl problemi”(beynəlxalq hüquqi məsələlər) adlı tədqiqat kitabının nəşri Layihəsini həyata keçirməyə başlamışdır. Layihənin əsas məqsədi Dağlıq Qarabağ münaqişəsini Ermənistanın işğal aktı kimi təqdim etmək, bu barədə dünya ictimaiyyətini həqiqi informasiya ilə təmin etmək və problemin beynəlxalq hüquqi aspektdən araşdırılmasını təşkil etməkdir.
Qeyd etmək lazımdır ki, hazırda Azərbaycan elmində Dağlıq Qarabağ münaqişəsinə həsr olunmuş çoxsaylı kitablar nəşr olunsa da doktrinal əsasda münaqişənin beynəlxalq hüquqi həlli vasitələrini əks etdirən və onları əsaslandıran, habelə münaqişə zəminində pozulmuş insan hüquqlarını təhlil edən kitabın nəşri önəmli məsələyə çevrilmişdir. Münaqişə zəminində Azərbaycanın haqlı mövqeyini dünya ictimaiyyətinin nəzərinə məhz elmi əsaslarla çatdırmaq məqsədilə kitabın nəşri ingilis dilində nəzərdə tutulmuşdur.
“Dağlıq Qarabağ münaqişəsinin beynəlxalq hüquqi aspektdən araşdırılması və təbliği dünya birliyinə münaqişə barədə fikir formalaşdırmaqda yardımçı olar bilər. Belə ki, kitab Ermənistanın işğal aktı, kobudcasına pozulmuş insan hüquqları təhlil edilərək münaqişənin həqiqi mənzərəsini göz önünə qoyacaq. Düşünürəm ki, bu layihə nəticəsində erməni lobbisinin apardığı informasiya müharibəsinə ciddi zərbə vurmuş olacıyıq ”-deyə “Xəzər – Gələcək Naminə Tərəfdaşlıq Beynəlxalq Hərəkatı” İctimai Birliyin sədri, hüquq eləmləri doktoru, professor Rüstəm Məmmədov bildirmişdir. Sədr həmçinin Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının Dağlıq Qarabağ münaqişəsi ilə bağlı layihələri dəstəkləməsini yüksək qiymətləndirmişdir.
Hazırda kitabın hazırlanması prosesi gedir. Kitabın yazılması zamanı təşkilat üzvləri ətraflı araşdırma aparmış, müvafiq sənədlər toplanmışdır. Layihə çərçivəsində təşkilat beynəlxalq hüquqi sənədləri və mövzu ilə əlaqəli mövcud vəziyyəti araşdırılmaqla yanaşı beynəlxalq əlaqələr də qurmuşdur.
Layihənin son iki ayında isə kitabın cəmiyyətə və dövlət strukturlarına təqdimatı və paylanması prosesi başlayacaq. Kitabın Avropa və Amerika universitetlərinə, kitabxanalarına göndərilməsi, həmçinin sonda rəsmi dövlət strukturlarının, media və QHT təmsilçilərinin iştiraki ilə Hesabat Konfransının keçirilməsi də nəzərdə tutlumuşdur.
Xəzər – Gələcək Naminə Tərəfdaşlıq Beynəlxalq Hərəkatı” İctimai Birliyi
18/06/2010
|
