Layihənin vəzifələrinə aiddir: monitorinq və dəyirmi masalar keçirməklə sərhədyanı əməkdaşlıq sahəsində sərhəd regionlarında aktual məsələlərin və onların potensialının araşdırılması; aktual məsələlərin analizi və beynəlxalq ekspertlərin cəlb edilməsi yolu ilə ayrıca sərhəd regionlarında sərhədyanı əməkdaşlığın inkişafı proqramının hazırlanması; Cənubi Qafqaz Regional Təhlükəsizlik İnstitutu nəzdində Qafqaz sərhədyanı əməkdaşlıq Mərkəzinin inkişafı və möhkəmlənməsi.

Tiflisdə sentyabr ayının 24-26, 2004-cü ildə keçirilmiş layihənin ilkin mərhələsində Azərbaycan, Ermənistan və Gürcüstandan informasiya menecerlərinin ilk hazırlıq görüşü keçirilmişdir. Bu işdə aşağıdakı informasiya menecerləri iştirak ediblər: Bakıdan Leyla Məmmədova (“Xəzər” İctimai Birliyinin eksperti); İrəvandan Silviya Bezirjan (Cənubi Qafqaz Regional Təhlükəsizlik İnstitutu); Tiflisdən Qalaktion Çavleyşvili (Cənubi Qafqaz Regional Təhlükəsizlik İnstitutu). Layihə üzrə informasiya menecerləri sərhədyanı əməkdaşlıq prosesinin informasiya dəstəyini təmin etməli, sərhədlərdə vəziyyətlə bağlı gündəlik informasiya monitorinqi keçirməli, həmçinin regional ekspertlərin səylərini əlaqələndirməli, ekspertlərin şəbəkə Mərkəzinin genişlənməsinə yardım etməli idilər.

Layihənin həyata keçirilməsində növbəti mərhələ 11-13 dekabr, 2004-cü ildə Quduari (Gürcüstan) şəhərində “Qafqazda sərhədyanı əməkdaşlığın inkişafının problem və perspektivləri” adlı Beynəlxalq Konfransın təşkil olunması və keçirilməsi oldu.

Konfransın məqsədləri – gürcü-erməni, gürcü-azərbaycan, erməni-azərbaycan və gürcü-rus sərhədlərində əməkdaşlığın fəallaşdırılmasına yardım. Konfransın vəzifələrinə aid idi: sərhədyanı əməkdaşlığın Avropa təcrübəsinin (qərbi və şərqi) təqdimatı; beynəlxalq ekspert və analitiklərin dəstəyilə konkret rayonlar üçün sərhədyanı əməkdaşlığın inkişaf etdirilməsi proqramının formalaşdırılması; sərhədyanı əməkdaşlıq məsələləri üzrə işləyən ekspert və təşkilatların əməkdaşlığının inkişafı.

Konfransın iştirakçıları arasında Hollandiya, Türkiyə, Polşa, Serbiya, Ukrayna, Litva, Rusiyadan nümayəndələr, dövlət strukturlarının nümayəndələri, QHT-lər və Azərbaycan, Ermənistan, Gürcüstanın yerli hökumət nümayəndələrindən ibarət idi.

“Qafqazda sərhədyanı əməkdaşlığın inkişafı problemləri və perspektivləri” adlı Beynəlxalq Konfransda Azərbaycan nümayəndəliyini Layihə çərçivəsində Azərbaycanın sərhəd regionlarının tədqiqatçısı Hamis Məsimov (Helsinki Vətəndaş Assambleyasının Qazax-Ağstafa ofisi), tarix elmləri doktoru İradə Bağırova (Azərbaycan Milli Elmlər Akademiyası, Qafqaz tarixi şöbəsi), QHT nümayəndələri – “İnsan hüquqları üzrə mərkəzi” – Göyüşov Ramil (İnsan hüquqları üzrə qərb resursu) və Məhərrəm Qöyüşoğlu (İnsan hüquqları üzrə Qafqaz resurs mərkəzi); “Azadlıq” qəzetinin regional müxbiri Nemət Novruzov və həmçinin, Bakıdan informasiya meneceri Leyla Məmmədova iştirak ediblər.

Konfransın işinin nəticələri üzrə Qafqaz Sərhədyanı Əməkdaşlıq Mərkəzinin yaranması və inkişafına, Qafqazda sərhədyanı əməkdaşlıqda Avropa təcrübəsindən istifadə olunmasına yönələcək Qafqazda sərhədyanı əməkdaşlığın inkişafı Proqramı hazırlanmışdır.

Konfransın sonunda Tiflisdə Beynəlxalq Konfransın gördüyü işləri işıqlandıran mətbuat konfransı keçirildi. Konfransın nəticələri üzrə nəşrlər hazırlanıb.