Azərbaycanın müstəqilliyinin əldə edilməsindən sonra burada atılan mühüm addımlardan biri də yerli bələdiyyələrin (yerli özünüidarəetmə orqanları) yaradılması oldu. Bu qurumlar lokal səviyyədə dövlət idarəetmə mexanizminin demokratikləşməsinə yardım etmək üçün yaradılır. Bələdiyyələrin təsis olunması ilə qarşıya qoyulan əsas məqsəd bacarıqlı, təşəbbüskar insanların yerli səviyyəli problemlərin həllinə cəlb edilməsi idi və bunun üçün onlara müəyyən səlahiyyətlər verilmişdir. Digər tərəfdən Avropaya inteqrasiya kursunu götürmüş gənc dövlət olan Azərbaycanın Avropalı partnyorların təcrübəsinə ehtiyacı var. Bu məqsədlə 25 Oktyabr, 2004-cü ildə alman ekspertlərinin iştirakı ilə “Xəzər - Gələcək Naminə Tərəfdaşlıq” İctimai Birliyi və Konrad Adenauer fondu tərəfindən birgə keçirilən seminar öz işinə başladı.

Seminarın məqsədi ondan ibarət idi ki, alman və yerli özünüidarəetmə orqanlarının təcrübə mübadiləsi həyata keçirilsin. Bələdiyyələrin fəaliyyəti ilə bağlı cəmi beş il iş təcrübəsi olan Azərbaycana Almaniyanın iş təcrübəsini öyrənmək bələdiyyələrin rolunun möhkəmləndirilməsi üçün yardım olacaq. Bundan savayı, alman özünüidarəetmə orqanlarının təcrübəsi Azərbaycan üçün təkcə iki əsrlik tarixinə görə maraqlı deyil. Heç də az əhəmiyyət kəsb etməyən səbəblərdən biri Şərqi Almaniyanın öz kommunist keçmişinin nəticələrinin ləğv edilməsindən əldə edilmiş təcrübədir ki, bu Azərbaycan üçün aktualdır.

Seminarın iştirakçıları – Gəncə, Şəki, Lənkəran, Cəlilabad, Xaçmaz və Bakı bələdiyyələrinin rəhbərləri və işçiləri. Onlar xaricdəki özünüidarəetmə (alman bələdiyyələri timsalında) orqanlarının təcrübəsi ilə tanış olaraq seminar iştirakçılarına öz problemləri və onların həll edilməsi barədə danışdılar.

Alman bələdiyyələrinin iş təcrübəsi haqqında Leypsiq Ober burqomistrı nəzdində Şəhər Şura bürosunun rəhbəri Qvido Şeneb “Transformasiya dövründə yerli özünüidarəetmə” adlı məruzəsində bu barədə geniş məlumat verdi. O, Azərbaycanlı bələdiyyələrin işini yüksək qiymətləndirdi. Bununla bərabər, o qeyd etdi ki, bəzi istiqamətlər var ki, Almaniyanın çox illik təcrübəsi yardım ola bilərdi. Məsələn, Almaniyanın yerli özünüidarəetmə orqanlarından 7500 müstəqil olaraq əmək yarmarkaları təşkil etməklə məşğulluq problemini həll edirlər, yerlərdə ekoloji vəziyyətin və demoqrafik şəraitin monitorinqini keçirirlər.

“Azərbaycanda regional inkişaf mərkəzi” QHT-sinin rəhbəri professor Çingiz İsmayılov seminar iştirakçılarına Azərbaycanda yerli özünüidarənin problemləri və perspektivləri barədə danışdı.