Manuçöhr Mottaki sahilyanı ölkələrin dövlət başçılarının əvvəlki sammitində əldə edilmiş razılaşmaların həyata keçirilməsi istiqamətində fəaliyyətə çağırıb.

"Xəzərin hüquqi statusu bьtün sahilyanı dövlətlərin maraqları nəzərə alınmaqla həll edilməlidir". Bunu İranın xarici işlər naziri Manuçöhr Mottaki İranda Xəzəryanı ölkələrin işçi qruplarının 22-ci görüşündə bildirib. Mottaki sahilyanı ölkələrin dövlət başçılarının əvvəlki sammitində əldə edilmiş razılaşmaların həyata keçirilməsi istiqamətində fəaliyyətə çağırıb.
İranlı nazir Xəzər dənizində təhlükəsizliyin artırılmasının vacibliyini vurğulayıb. O, görüşdə iştirak edən nümayəndə heyətlərini sabitlik və təhlükəsizlik, ətraf mühit, iqtisadi inkişaf kimi məsələlərdə bütün sahilyanı dövlətlərin ortaq maraqlarını nəzərə almağa çağırıb.
O, həmçinin Xəzərin təbii ehtiyatlarının ədalətli şəkildə bölgüsünün aparılmasına və bütün sahilyanı dövlətlərin dənizin iqtisadi gəlirlərindən ədalətli şəkildə istifadəsinə ehtiyac olduğunu vurğulayıb.