|
Azərbaycan dini mövzuda konfrans və dəyirmi masalar keçirməklə, dini tolerantlıq mərkəzinə çevriləcək. Avropa Ravvinlər Şurasının sədri Pinxas Qoldşmidt belə hesab edir.
Bakıda 26-27 aprel tarixlərində keçirilmiş dünya dini liderlərinin sammiti keçirilib və həmin sammitdə dünyanın 35 ölkəsindən müxtəlif dinləri təmsil edən 250 nümayəndə iştirak edib.
"Birlikdə biz çox şeyə qalib gələ bilərik. Sammitin unikallığı ondan ibarətdir ki, müxtəlif dinlərin nümayəndələri - hindu və iudaist, müsəlman, buddist və xristianlar "Gül bağı" anlamını verən "Gülüstan" sarayında yan-yana əyləşir. Onlar birlikdə heyranedici, bir-birinə mane olmayan, hətta biri digəri ilə həmahəng olan gül buketini təşkil edir", - Moskvanın baş ravvini Qoldşmidt Trend-ə müsahibəsində deyib.
Ravvinin sözlərinə görə, bütün Ermənistanın katolikosu II Qareginin Moskvanın və bütün Rusiyanın partiarxı Kiril və Qafqaz Müsəlmanları İdarəsinin sədri Hacı Allahşükür Paşazadə ilə birlikdə sammitdə iştirakı Ermənistan-Azərbaycan, Dağlıq Qarabağ münaqişəsi ilə bağlı Azərbaycanla Ermənistan arasındakı danışıqlar prosesinə əhəmiyyətli dəyişilik gətirəcək və münaqişəsinin dini xarakter almasına imkan verməyəcək.
Ravvin Qoldşmidt Azərbaycan yəhudiləri üçün münasib həyat şəraitinin yaradılmasına heyran olduğunu bildirib.
"Quba rayonu ərazisində yerləşən Qırmızı Qəsəbə yəhudilərin kompakt yaşadığı ərazidir. Dünyada bu cür yerlər demək olar ki, qalmayıb, lakin Azərbaycandakı belə yaşayış yeri postsovet məkanında yeganə yerdir. Qırmızı Qəsəbədə 5 min dağ yəhudisinin yaşaması faktı çox gözəldir və bu, dünyanın digər ölkələrindəki İslam və iudizm nümayəndələrinə gözəl misal ola bilər", - Qoldşmidt belə hesab edir.
Hazırda Qırmızı Qəsəbədə üç sinaqoq fəaliyyət göstərir. Onlar arasında qədimdə bərpa edilmiş "Şeş Qombori" - "Altı Gümbəz", "Yeşiva" və daimi fəaliyyət göstərən sinaqoq var.
Qoldşmidtin sözlərinə görə, Azərbaycan bu nümunəni təbliğ edərək etnik münaqişələrin həllində digər ölkələrə kömək edə bilər.
"Bir çox xarici vətəndaşlar bu unikal komponenti öz gözləri ilə görmək üçün Qubaya gəlir və çox heyrətlənirlər", - o deyib.
Moskvanın baş ravvininin sözlərinə görə, Azərbaycanda minlərlə məscid, altı sinaqoq və 11 kilsənin mövcudluğu faktı ölkədə möminlər arasında qarşılıqlı anlaşma şəraitinin olmasına dəlildir.
"Mən çox şadam ki, sammitin açılışında iştirak etmək üçün Bakıya gəldim. Dördüncü plenar iclasın bağlanması kimi şərəfli missiyaya görə Şeyx Allahşükür Paşazadəyə təşəkkür edirəm. Mən dini və sivil dialoqda iştirak etmək üçün Azərbaycan tərəfinin dəvətini istənilən vaxt çox böyük məmnuniyyətlə qəbul edərəm və Avropa şəhəri olan Bakıya gələrəm", - Ravvin bağlanış mərasimində deyib.
www.trend.az
|
