Azərbaycanda səfərdə olan Avropa Şurası Parlament Assambleyasının (AŞ PA) prezidenti Luis Mariya de Puç Milli Məclisdə Azərbaycanın AŞ PA-dakı nümayəndə heyəti ilə görüşüb.

Bu gün Avropa Şurası Parlament Assambleyasının (AŞ PA) prezidenti Luis Mariya de Puçun Azərbaycana rəsmi səfəri başlayıb. APA-nın məlumatına görə, AŞ PA sədri artıq Fəxri Xiyabanı və Şəhidlər Xiyabanını ziyarət edib.

Polşa prezidenti Lex Kaçinski Avropa İttifaqında islahatların aparılmasını nəzərdə tutan Lissabon sazişini paraflamaqdan imtina edib. APA-nın məlumatına görə, Polşa prezidenti bildirib ki, İrlandiyada referendumun məlum nəticələrindən sonra sazişi imzalamağın heç bir mənası yoxdur. Qeyd edək ki, İrlandiyada keçirilən xalq səsverməsində vətəndaşların əksəriyyəti Lissabon sazişinin imzalanmasının əleyhinə səs veriblər. Kaçinski bildirib ki, Aİ ölkələrindən biri sazişi imzalamaqdan imtina edirsə, digər ölkələrin həmin sənədə imza atması əhəmiyyətsizdir. Bundan əvvəl Almaniya prezidenti Xorst Keler də Lissabon sazişini imzalamaqdan imtina etmişdi. Bu günə kimi Avropa İttifaqına üzv 27 ölkədən yalnız 19-u Lissabon sazişini ratifikasiya edib.

Ukrayna prezidenti Viktor Yuşşenkonun ölkəmizə səfəri çərçivəsində Müslüm Maqomayev adına Azərbaycan Dövlət Filarmoniyasında Azərbaycanda Ukrayna mədəniyyəti günlərinin açılışı münasibətilə konsert keçirilib.