Məlumdur ki, bu il oktyabrın 15-də Prezident seçkiləri keçiriləcəkdir. Təbii ki, yeni seçiləcək Prezident bölgələrdə vətəndaşları daha çox narahat edən məsələlər haqda məlumatlı olmalıdır. Toplanılan məlumatlar müxtəlif mənbələrdən olduğu halda mövcud vəziyyəti daha obyektiv qiymətləndirmək olar. Prezident seçkiləri ərəfəsində bu məsələ ilə bağlı daha dolğun məlumatların toplanması işində “Azərbaycanda Regional İnkişaf Mərkəzi” iyun ayının 1-dən internet sorğu layihəsinin ictimai kampaniyasını keçirməyə başlayır.

Bu gün Şamaxıda (Bakıdan 135 km məsafədə) birinci beynəlxalq regional biznes konfrans öz işinə başlayıb.

Azərbaycanın iqtisadi inkişaf nazirinin müavini Niyazi Səfərov konfransda çıxışı zamanı bildirib ki, son dörd ildə Azərbaycan iqtisadiyyatının həcmi 96 faiz artıb. 2007-ci il ərzində regionların inkişafına yatırılan dövlət investisiyalarının həcmi 1,15 mlrd. manat təşkil edib. Hazırda yeni sənaye müəssisələrinin, biznes inkubatorların yaradılması üzrə işlər görülür. Azərbaycan iqtisadiyyatının inkişafı ölkəyə xarici investisiyaların cəlb edilməsi üçün baza yaradır.

Nazir müavini bildirib ki, növbəti beş il üçün regionların sosial-iqtisadi inkişafı proqramının reallaşdırılmasının davam etdirilməsi üzrə hazırlıq işləri gedir.

Azərbaycan prezidenti Finlandiyaya ilk dəfə rəsmi səfər edəcək. Bu barədə Trend News-a çərşənbə axşamı Helsinkidən telefonla Finlandiya prezidentinin dəftərxanasından məlumat verilib.

İran Xəzərin Azərbaycan sektorunda yerləşən «Şah dəniz» qaz kondensat yatağından böyük həcmdə Azərbaycan qazı idxal etmək niyyətində olduğunu bildirib. Bu barədə çərşənbə günü məlumatlı mənbədən bildirilib.

Bir gün əvvəl İranın neft nazirinin müavini və həm də İran Milli Qaz Şirkətinin baş meneceri Seyid Rıza Kəssənzadə Bakıya səfərə gəlmişdi. Kəssənzadənin Azərbaycan Dövlət Neft Şirkəti (ARDNŞ) və «Şah dəniz» konsorsiumu rəhbərlikləri ilə apardığı danışıqlar zamanı bu yatağın 2012-2013-cü illər üçün planlaşdırılan işlənmə layihəsinin ikinci mərhələsi çərçivəsində Azərbaycan qazının İrana tədarükü məsələsi müzakirə olunub. İranın «NICO» şirkəti «Şah dəniz» layihəsində 10 faiz iştirak payına malikdir.

Bu günə qədər Azərbaycan qazının müxtəlif nəql imkanları nəzərdən keçirilib. Lakin onlar yalnızAvropa istiqamətinə aid olub. Bundan əlavə, bu il ARDNŞ artıq İrana 30 mln. kubmetr şəxsi qaz tədarük edib. Qaz İrana kifayət qədər yüksək qiymətə – 1000 kub metri 300 dollara satılıb. Müqavilə 30 mln. kub metr qazın tədarükü üçün nəzərdə tutulub, lakin uzadıla bilər.

Hazırda davam edən və hər birimizin ətrafında yaşanan ekoloji problemləri əks etdirən foto müsabiqəyə start verilir. Hər bir vətəndaş müsabiqəyə onu narahat edən, mütəmadi üzləşdiyi və həllində iştirak etmək istədiyi ekoloji problemlərin fotosunu təqdim edə bilər.

EKOLOJİ PROBLEMLƏR NƏDİR VƏ NƏDƏN YARANIR?-

İdarə olunmayan sənaye və məişət tullantılarından;

Təbiətə antropogen təsir;

Təbii resursların yanlış istismarı texnologiyaları;

Urbanizasiya – şəhərsalma;

Böyük texnoloji layihələr;

Qeyri-ənənəvi iqlim dəyişikliyi.