KULEVIDƏ NEFT TERMINALININ AÇILMASI AZƏRBAYCAN VƏ GÜRCÜSTANIN INKIŞAFINA SƏBƏB OLACAQ
Kulevidə neft terminalının açılması Azərbaycan və Gürcüstanın inkişafına səbəb olacaq, xalqlar arasındakı dostluğu daha da möhkəmləndirəcək və hər iki ölkənin rifahı naminə həyata keçirilən yeni layihələrin müjdəçisi olacaq. Bu barədə cümə günü terminalın açılışında Azərbaycanın Baş naziri Artur Rasizadə bildirib. ARDNŞ-ə məxsus terminalın aşırma gücü ildə 2 mln. ton neft, 3 mln. ton dizel yanacağı, 4 mln. ton mazut daxil olmaqla, ümumilikdə 10 mln. ton təşkil edəcək. Terminalın çən parkının ümumi tutumu 320 min kubmetrdir. Layihə üzrə terminalın aşırma gücünün ildə 15-20 mln. tonadək artırılması nəzərdə tutulub. Çən parkını 380 min kubmetrədək genişləndirmək planlaşdırılır.
BMT ÇINDƏ ZƏLZƏLƏDƏN ZƏRƏR ÇƏKƏNLƏRƏ 7 MILYON ABŞ DOLLARI YARDIM AYIRIB
Birləşmiş Millətlər Təşkilatı (BMT) Çində zəlzələdən zərər çəkmiş insanlara 7 milyon ABŞ dolları həcmində yardım ayırıb. APA-nın BMT-nin rəsmi saytına istinadən verdiyi məlumata görə, BMT baş katibi Pan Ki Mun “Fövqəladə hallara Yardım Mərkəzi Fondu”ndan Çinin Siçuan əyalətində baş verən zəlzələ zamanı zərərçəkənlərə yardım ayırıb.
AZƏRBAYCAN TÜRKMƏNISTANDAN ALDIĞI QAZA GÖRƏ YARANMIŞ BORCUNU ÖDƏDI
Türkmənistan prezidentinin Azərbaycana bazar ertəsi başlayan səfəri ərəfisində Baku Aşqabada qaz idxalına görə 90-cı illərdən qəlan dövlət borcunu tam ödəyib. Bu barədə türkmənistan hökümətinin mətbuat xidməti məlumat vrib. ( İTAR-TASS ).
