ABŞ Federal Ehtiyat Sisteminin rəhbəri Ben Bernanke Bloomberg telekanalının efirində çıxışı zamanı bildirib ki, dünya maliyyə bazarlarının hazırki vəziyyəti «çox da normal deyil».

Bernankenin çərşənbə axşamı bildirdiyinə görə, maliyyə böhranının həll edilməsi üçün şirkətlərə bir qədər vaxt lazımdır.

Ərzaq mallarının dünya üzrə qiymətinin qalxması, şübhəsiz ki, bütün ölkələrdə, o cümlədən Azərbaycanda yoxsulluq səviyyəsinin artmasına gətirib çıxaracaq. Bu barədə çərşənbə axşamı BMT-nin Ümumdünya Ərzaq Prjqramının (ÜƏP) (World Food Program-WFP) Azərbaycan üzrə nümayəndəsi Linn Miller (Linn Miller) bildirib.

Mayın sonunda Azərbaycan, Türkiyə, Yunanıstan və İtaliyanın energetika nazirlikləri arasında Azərbaycan qazının Türkiyə vasitəsilə Avropaya nəqli üçün hüquqi baza yaradacaq saziş imzalanacaq. Bu barədə çərşənbə axşamı Bakıda, EGL-AXPO şirkətinin rəhbəri Robert Lombardi ilə görüşdə Azərbaycanın sənaye və energetika naziri Natiq Əliyev məlumat verib.

Görüşdə Avropa İttifaqının qaz boru kəmərləri məsələləri üzrə dövlətlərarası Koordinasiya Şurasının yaradılmasını planlaşdırdığı qeyd edilib. Şuranın yaradılmasının məqsədi layihələrin iştirakçısı olan dövlətlər arasında əməkdaşlığın səmərəliliyini artırmaqdır. Əliyev bildirib ki, öz maraqlarının təmin edilməsi üçün Azərbaycanın bu Şurada təmsil olunması çox vacibdir.