Agip KCO beynəlxalq konsorsiumun səhmdarları «Kaşağan» yatağının mənimsənilmə tarixinin yenidən 2012 və ya 2013-cü ilə dəyişdirilməsinin lehinə çıxış edirlər. Bu barədə bazar ertəsi Astanada energetika və təbii ehtiyatlar naziri Sauat Mınbayev məlumat verib.

«Konsorsiumun əcnəbi iştirakçıları yatağın mənimsənilmə tarixini dəyişdirmək istəyirlər. Onların müxtəlif ssenariləri var – 2012 və ya 2013-cü ilə dəyişmək», - Mınbayev bildirib.

Azərbaycan vasitəsilə Qazaxıstan və Türkmənistandan elektrik enerjisinin tranziti üçün Transxəzər kabelin çəkilməsi layihəsi texniki baxımdan yerinə yetirilə bilər. Bu barədə Azərbaycanın sənaye və energetika naziri Natiq Əliyev məlumat verib.

Trend Capital-ın sorğu apardığı ekspertlər hesab edirlər ki, neftin yüksək qiyməti dünya ərzaq böhranının səbəblərindən biridir. Ötən həftə, Dünya Bankının prezidenti Robert Zellik bildirib ki, dünya ərzaq böhranı 2015-ci ilədək davam edəcək. O, bununla əlaqədar, ölkələri əhalinin əsas dənli bitkilərlə təchizatının təmin edilməsi məqsədilə, aqrar sənaye sahəsində siyasəti dəyişməyə çağırıb.