Azərbaycanda keçiriləcək prezident seçkisi zaman yarana biləcək problemlərin aradan qaldırılması üçün faktaraşdırıcı ekspertlər qrupu yaradılacaq. Bu barədə Trend News-a Milli Məclisin İcra Aparatının rəhbəri Səfa Mirzəyev məlumat verib.

Azərbaycanda prezident seçkisi oktyabrın 15-də keçiriləcək. Seçki və səsvermə prosesinin təkmilləşdirilməsi üçün Venesiya Komissiyası ilə Azərbaycan hökumətinin birgə müzakirələri nəticəsində Seçki Məcəlləsinə əlavə və dəyişikliklər edilib. Yaxın vaxtlarda bu məsələ parlamentin müzakirəsinə çıxarılacaq.

Mirzəyev deyib ki, faktaraşdırıcı ekspertlər seçkiöncəsi və səsvermə zamanı daxil olan şikayətləri operativ həll edəcək.

Onun sözlərinə görə, Azərbaycanda seçki kampaniyasına ayrılan müddətin azaldılması məsələsinin ciddi araşdırılmasına ehtiyac var.

Fələstin muxtariyyətinin hakim FƏTH partiyası 2008-ci ilin sonunadək Fələstin dövlətinin yaradılacağına inanır. Lakin bir çoxları buna şübhə edirlər.

Birləşmiş Mitllətlər Təşikilatının Baş Katibi Pan Qi Mun mayın 2-də Londonda Yaxın Şərqə dair keçirilən konfransda 2008-ci ilin sonunadək intensiv danışıqların nəticəsində İordan çayının qərb sahilində müstəqil Fələstin dövlətinin yaradılacağını istisna etməyib.

«Pan Qi Mun dünya ictimaiyyətini aldadır» - deyə, «HƏMAS»-ın mətbuat katibi Sami Əbu Zühri Trend News-a bildirib. «Biz müstəqil Fələstin dövlətinin yaranmasını istəyirik, amma bu günki vəziyyətdə bu qeyri - mümkündür»-deyə, Əbu Zühri cümə günü Qəzzədən telefonla bildirib.