Rəsmi Bakı ermənilərin Azərbaycan və Türkiyə bayraqlarını yandırmasını vəhşilik adlandırıb.
«Ermənistanın bu hərəkətləri bütün dünyaya onların əsl üzünü göstərir», - şənbə günü Bakıda, Azərbaycanın xarici işlər naziri müavini Araz Əzimov jurnalistlərə bildirib.

İkiillik fasilədən sonra Azərbaycan Ümumdünya Ticarət Təşkilatına (ÜTT) daxil olmaq üçün çoxtərəfli danışıqların növbəti raundunu keçirəcək.
Azərbaycan hökumətinin işçi qrupu ilə çoxtərəfli danışıqlar mayın 6-da Cenevrə şəhərində keçiriləcək. Bu barədə şənbə günü «Trend News»a Azərbaycanın İsveçrədəki səfiri Elçin Əmirbəyov məlumat verib.

Görüş bir neçə dəfə təxirə salınıb. İldən ilə ÜTT-ə namizəd-ölkələri üçün tələblər daha da kəskinləşir. Ona görə hökumət ölkə maraqlarını nəzərə alaraq bu prosesi maksimal dərəcədə sürətləndirmək niyyətindədir.

Azərbaycanda seçkilərin yaxşınlaşdığı dövrdə beynəlxalq təşkilatların və «AQO» qrupunun tövsiyyələrini yerinə yetirmək lazımdır. Bu barədə bazar ertəsi Avropa Şurası Nazilər Komitəsinin sədri Yan Kubiş jurnalistlərə bildirib.

«Prezidentliyə namizədlərin öz proqramları təqdim etmələri üçün KİV-ə çıxışları və televiziyada vaxta malik olmaları çox vacibdir», - o bildirib. Kubişin sözlərinə görə, bu seçkilərin bərabər şəraitdə keçməsinə yardıme edəcək.